ХХААХҮЯ-ний сайдын тушаалаар 5 ажлын хэсэг энэ долоо хоногт тариалан бүхий аймаг, сумдад ажиллаж, хүнсний ногооны тариалалтыг баталгаажуулах, ургац хураалтын бэлтгэлтэй танилцах, 2026 оны тариалалтад шаардлагатай үрийн хянан баталгааг шалгах, хэрэгжиж буй төсөл, хөтөлбөрийн хэрэгжилтэд хяналт тавих ажлыг зохион байгуулж тус ажлын хэсгийг ХХААХҮЯ-ний Газар тариалангийн бодлогын хэрэгжилтийг зохицуулах газрын ахлах мэргэжилтэн Баянжаргал ахалж Төв аймгийн ХХААГ-н газар тариалангийн хэлтсийн ахлах мэргэжилтэн Г.Цоггэрэл болон ТББ-н төлөөлөл МУГАгрономич Ж.Сүрэнхорлоо, МУГАгрономич Т.Баярхүү, зөвлөх агрономич Ц.Алимантуяа нар газар дээр нь ирж Угтаалцайдам суманд хүнсний ногоо тариалдаг ААН-үүдтэй уулзан тариалсан ногооны талбайг хэмжиж хаврын тариалалтын мэдээтэй тулгалт хийж тариаланчдын санал солилцож хүнсний ногооны үйлдвэрлэлийг нэмэгдүүлэх арга замуудыг тодорхойлж байна. Энэхүү ажлын хүрээнд тариалангийн бэлтгэл, үрийн баталгааны систем, хөрөнгө оруулалтын үр дүнг газар дээр нь шалгах нь ирэх жилийн ургацын чанар, хэмжээг сайжруулахад чухал ач холбогдолтой юм. Хэдийгээр Угтаалцайдам сум энэ жил гантай байгаа ч тосны ургамал, ногоон тэжээлийн ургац тааруу ургац алдах төлөвтэй улаан буудайн ургац нэг га-аас дундажаар 10-15цн хураан авах боломжтой харин хүнсний ногоо тариалж буй иргэн ААН-үүд усалгаатай тариалалт хийж байгаа бөгөөд ургац арвин сайн байна гэж үзлээ

XVII-р жарны Модон могой жилийн зуны адаг сарын шинийн 15-ны билэгт сайн өдөр Угтаалцайдам сумын аварга шалгаруулах “Адуучин” тэмцээн амжилттай зохион байгуулагдав. Сумын засаг дарга Ц. Энхболд, Талын Уул багийн дарга Б. Түмэндэлгэр, Асгат багийн даргын үүргийг түр орлон гүйцэтгэгч Б. Түвшинтөр болон бусад албан хаагчид иргэдэд мэдээлэл хүргэж ажиллав. Уг тэмцээний үеэр адуучид хуралдаж Сумын "Адуучдын холбоо"-г гурван хүний бүрэлдэхүүнтэй байгууллаа. Холбооны тэргүүнээр адуучин М. Лхагвасүрэн удирдах зөвлөлийн гишүүнээр адуучин Н. Төрбат, Я. Алтангэрэл нар олонхын саналаар сонгогдов. Адуучин тэмцээнийг 2 насны ангилалаар зохион байгуулж, Нийт 32 адуучин залуус хурд хүч, эр зориг, авхаалж самбайгаа сорин оролцсоноос: I байр Н. Сүхбат II байр Э. Даваасүрэн III байр А. Азжаргал IV байр М. Лхагвасүрэн V байр З. Мөнхзул тус тус шалгарч Аймгийн аварга шалгаруулах “Адуучин” тэмцээнд оролцох эрхээ авлаа.

Уушиг хайрханы өвөрт Асгат багийн өдөрлөг зохион байгуулагдав. Өдөрлөгийн хүрээнд: Сумын Засаг дарга Ц.Энхболд цаг үеийн байдал, өвөлжилтийн бэлтгэл хангахад анхаарах талаар мэдээлэл хийж татварын улсын байцаагч Б.Мөнхбаяр, нийгмийн даатгалын байцаагч Ц.Болор-Эрдэнэ, Хөдөө ах ахуйн тасгийн дарга Цогтбаяр нар иргэдэд мэдээлэл хүргэж Асгат багийн засаг даргын үүргийг түр орлон гүйцэтгэгч Б.Түвшинтөр хийсэн ажлын тайлан, цаашид хийх ажлын талаар иргэдэд товч танилцуулга хийлээ. Асгат багийн иргэдийн дунд Цайны ёслол, Унаа морьдын уралдаан, Гар бөмбөг, Шагай шүүрэх зэрэг уралдаан тэмцээнийг амжилттай зохион байгуулж шилдгүүдээ шагнаж урамшуулав. Өдөрлогт нийт Асгат багийн 140 иргэн оролцлоо.

Сумын ГХУСАЗСЗ , Төв аймгийн урьдчилан сэргийлэх , шуурхай удирдлагын тасгийн урьдчилан сэргийлэх ажил хариуцсан алба хаагчид болох цагдаагийн ахмад Э.Ундармаа, цагдаагийн ахмад Э.Содбаяр, цагдаагийн дэд ахлагч Д.Болдтөгс, Заамар сумын сум дундын цагдаагийн хэлтэстэй хамтран сумын иргэд олон нийтэд хууль эрх зүйн мэдлэг олгох , соён гэгээрүүлэх талаар сургалт хийж хамтарсан баг , ГХУСАЗДЗ-ийн бүрэлдэхүүнд өмчлөх эрхийн эсрэг, хүний эрүүл мэндийн халдашгүй байдлын эсрэг , цахим залилан , архи согтууруулах ундааны зохисгүй хэрэглээ, гэр бүл, хүүхдийн эсрэг гэмт хэрэг, зөрчлийг илрүүлэх, бууруулах талаар "2025 - сургалт зөвлөгөөн" нөлөөллийн арга хэмжээг зохион байгуулж ажиллав.

1. 2025-2028 оны Сумын засаг даргын үйл ажиллагааны мөрийн хөтөлбөр батлах тухай 2. Сумын 2025 оны Хөгжлийн төлөвлөгөө батлах тухай 3. Сумын 2025 оны газар зохион байгуулалтын төлөвлөгөө батлах тухай 4. Орон нутгийн судлах музейг Найдангийн Дэндэв агсны нэрэмжит болгох тухай 5. Хамтарсан багын бүрэлдэхүүнийг шинэчлэн байгуулах тухай 6. Сумын иргэдийн Төлөөлөгчдийн хурлын “Ёс зүйн дүрэм” батлах тухай

1. Сумын иргэдийн төлөөлөгчдийн хурлын 2025 онд хэлэлцэх асуудлын төлөвлөгөө батлах тухай 2. Аймаг нийслэл сум дүүргийн иргэдийн Төлөөлөгчдийн Хурлын Төлөөлөгч нөхөн сонгох сонгуулийн тов тогтоох тухай 3. ИТХ-ын Хороодыг шинэчлэн байгуулах тухай 4. ИТХ-ын Зөвлөл шинэчлэн байгуулах тухай 5. Урианы жил зарлах тухай

Монгол Улсын анхдугаар үндсэн хууль батлагдсаны 101 жил, шинэ үндсэн хууль батлагдсаны 33 жилийн ойг тэмдэглэн өнгөрүүлэх, Үндсэн хуулийн үзэл санаа, түүний ач холбогдлыг сурталчлах ажлын хүрээнд төрийн албан хаагчдад “Монгол Улсын Үндсэн хууль” сэдвээр түүх нийгмийг багш Д.Мөнгөнтуяа сургалт хийж танин мэдэхүйн асуулт хариултын тэмцээн зохион байгуулан 1,2-р байрыг шалгарууллаа. ✅Мөн Үндсэн хууль батлагдсан өдрийг тохиолдуулан монгол үндэсний өв уламжлалаа дээдлэн хүндэтгэж ажлын байран дээр үндэсний хувцсаараа гоёлоо.

СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ ХОЁРДУГААР ХУРАЛДААН ХУРАЛДАЖ БАЙНА.

Сумын Гэмт хэргээс урьдчилан сэргийлэх ажлыг зохицуулах салбар зөвлөл ЗӨВ ХАНДЛАГА-ЭЕРЭГ аяны хүрээн Заамар сумын Сум дундын цагдаагийн хэлтэстэй хамтран 6-12р ангийн сурагчдад "Хүүхэд хамгааллын тухай хууль"-аар сургалт зохион байгууллаа. Нийт 150 сурагч хамрагдав

хэлэлцэх асуудал 1. Санал уламжлах тухай 2. Төлөөлөгчийн бүрэн эрхийг дуусгавар болгох тухай

Угтаалцайдам сумын иргэдийн Төлөөлөгчдийн Хурлын 9 дэх удаагийн сонгуулийн Анхдугаар хуралдаан 2024 оны 10 дугаар сарын 31-ний өдөр болж 8 асуудал хэлэлцэн шийдвэрлэв.

1. СУМЫН ИТХ-ЫН ҮЙЛ АЖИЛЛАГААНЫ ТАЙЛАНГ ХЭЛЭЛЦЭЖ ҮНЭЛЭЛТ ДҮГНЭЛТ ӨГӨХ ТУХАЙ 2. СУМЫН ГАЙХАМШИГТ ГАЗРУУДЫГ ТОГТООХ ТУХАЙ 3. 2024 ОНЫ ТӨСВИЙН ТОДОТГОЛ ХЭЛЭЛЦЭН БАТЛАХ ТУХАЙ 4. СУМЫН 2024 ОНЫ ХӨГЖЛИЙН ТӨЛӨВЛӨГӨӨНИЙ ХЭРЭГЖИЛТЭД ҮНЭЛЭЛТ ДҮГНЭЛТ ӨГӨХ ТУХАЙ 5. УРИАНЫ ЖИЛИЙН АЖЛЫН ТӨЛӨВЛӨГӨӨНИЙ ХЭРЭГЖИЛТЭД ҮНЭЛЭЛТ ДҮГНЭЛТ ӨГӨХ ТУХАЙ 6. 2024 ОНД ОРОН НУТГИЙН ХӨГЖЛИЙН САНГИЙН ХӨРӨНГӨӨР ХИЙГДСЭН АЖЛЫН ТАЙЛАНД ҮНЭЛЭЛТ ДҮГНЭЛТ ӨГӨХ ТУХАЙ 7. 2024 ОНД ХОРШОО ХӨГЖҮҮЛЭХ САНГИЙН ҮЙЛ АЖИЛЛАГААНЫ МЭДЭЭ МЭДЭЭЛЭЛД ҮНЭЛЭЛТ ДҮГНЭЛТ ӨГӨХ ТУХАЙ 8. СУМЫН ЗАСАГ ДАРГЫН 2020-2024 ОНЫ ҮЙЛ АЖИЛЛАГААНЫ МӨРИЙН ХӨТӨЛБӨРИЙН ХЭРЭГЖИЛТЭД ҮНЭЛЭЛТ ДҮГНЭЛТ ӨГӨХ ТУХАЙ АСУУДЛУУДЫГ ХЭЛЭЛЦЭН ШИЙДВЭРЛЭНЭ.

Багийн өдөрлөгөөр иргэд хүүхэд залуучуудын дунд унаа морьдын уралдаан, гар бөмбөгийн тэмцээн, залуу бөхчүүдийн барилдаан, хүүхэд багачуудын гүйлтийн уралдаан зэрэг 4н төрлийн тэмцээн зохион байгуулж шилдэгүүдээ тодруулан шагнаж урамшууллаа. Мөн энэ үеэр багийн иргэдээ 100н жилийн ойн медаль гардуулан ажиллав.

Тус барилдаанд Монгол Улсын аварга Д.Хадбаатар агсны хүү Аймгийн Начин Хадбаатарын Мягмарсүрэн түрүүлж, Монгол Улсын заан Д.Баасандорж үзүүрлэж, их шөвөгт Аймгийн арслан Л.Даваажамц, Аймгийн заан Оргилбаатар нар шалгарлаа.

Сумын нийт ард иргэд та бүхэндээ 100 жилийн ойн баярын мэнд хүргэе Угтаалцайдамчууд та бүхэн минь Дэнж хотойтол Дэлгэр сайхан наадаарай.

Хурлаар 4 тогтоол шийдвэр гарч, 1 асуудалд тэмдэглэлээр үүрэг өгч, 1 асуудлыг ээлжит хуралдаанаар шийдвэрлэхээр болов.

Өсвөр үеийн охидын дунд тэдний үгийг сонсох саналын хайрцаг өрнүүлж, тавьсан саналын дагуу мэргэжлийн сэтгэл зүйчээр нэгдсэн сургалт зохион байгуулж идэвхтэй оролцсон хөөрхөн охиддоо ЭМЭГТЭЙЧҮҮДИЙН ЭРХИЙГ ХАМГААЛАХ ӨДРИЙН БАЯРЫН МЭНД хүргэж гарын бэлэг гардуулж ажиллав. зохион байгуулагч Сумын ИТХ

Сумын иргэдийн Төлөөлөгчдийн хурлын ээлжит 12 дугаар хуралдаан 2024 оны 02 дугаар сарын 28-ны өдөр 66.6%-ийн ирцтэй хуралдлаа. Хурлаар дараах асуудлыг хэлэлцэн шийдвэрлэв. 1. Сумын иргэдийн Төлөөлөгчдийн хурлын 2024 оны үйл ажиллагааны төлөвлөгөө батлах тухай 2. Сумын иргэдийн Төлөөлөгчдийн хурлын 2024 оны хэлэлцэх асуудлын төлөвлөгөө батлах тухай 3. Монгол Улсын Их Хурлын сонгуулийн хэсэг байгуулж, хэсгийн нутаг дэвсгэр зарлах тухай 4. Монгол Улсын Их Хурлын сонгуулийн сурталчилгааны ухуулах хуудас болон зурагт самбарын байршил тогтоох тухай 5. Сумын 2024 оны Урианы жилийн ажлын төлөвлөгөө батлах тухай 6. Хөрөнгө шийдвэрлүүлэхээр уламжлах тухай 7. Ерөнхий боловсролын сургуулийн 90 жилийн ойн арга хэмжээний тайлан мэдээ сонсох 8. Сумын Засаг даргын тамгын газрын данс бүртгэл байгаа ковш тракторын ашиглалт, хамгаалалт, үйл ажиллагааны талаарх мэдээлэл сонсох - Хурлаар 6 тогтоол шийдвэр гарч, 2 асуудлыг тэмдэглэлээр үүрэг өгөв.